Ózbekstanda sáýir aıynan bastap gazdalǵan jáne energetıkalyq sýsyndardyń ár lıtrine 500 ben 2000 som aralyǵynda aksız salyǵy engizildi.
Sondaı aq balalarǵa arnalǵan fastfýd pen kúsh beretin sýsyndy jarnamalaýǵa shekteý qoıylmaq. El úkimeti mektep pen balabaqsha asqanalarynda tutynýǵa bolmaıtyn taǵamdardyń tizimin ázirlegen, dep habarlaıdy Almaty-akshamy.kz.
«Maqsat turǵyndar arasynda semizdik dertin azaıtý. «2030 jylǵa deıin artyq salmaqtan zardap shegetinderdiń úlesin - 50, al balalar men jastar arasyndaǵy kórsetkishti 30%-ǵa qysqartý mindeti qoıylyp otyr. Ózbekstannyń Densaýlyq saqtaý mınıstrligi ázirlegen qujatqa saı, bilim uıalarynda durys tamaqtanýdy nasıhattaý mańyzdy. Qoldanýǵa usynylmaıtyn ónimderdiń tizimine qant, tuz, maıly taǵamdar, hosh ıistendirgishter men boıaǵyshtar kiredi», - deıdi osy materıaldy ázirlegen tilshi Bazarkúl Otynshıeva.
Shekteý munymen bitpeıdi. Quramynda hımıalyq qospasy bar túrli qytyrlaq pen jyldam daıyndalatyn taǵamdar, energetıkalyq sýsyndar men dıetalyq qospalardy jarnamalaý qatań qadaǵalanady.
Jetkinshekterdiń durys tamaqtanýy, dene shynyqtyrýy men taza aýada serýendeýine mán berý normalary boıynsha usynystar ázirlenbek. Bul baǵyttaǵy jumys jyl boıy júrgiziledi.