Almaty qalasy ákimdiginiń qaýlysymen aq qyryqqabattyń shekti ruqsat etilgen bólshek saýda quny belgilendi. Tıisti qaýly 2021 jylǵy 18 tamyzda kúshine endi. Qujatqa sáıkes, aq qyryqqabat áleýmettik mańyzy bar azyq-túlik taýaryna shekti ruqsat etilgen bólshek saýda baǵasy 30 kúntizbelik kún merzimge 83 tg/kg mólsherinde belgilenedi.
Atalǵan shara naryqtaǵy ónim qunyn turaqtandyrýǵa jáne satýshylardyń baǵany negizsiz kóterýine jol bermeýge baǵyttalǵan. Buryn Almatyda osyndaı retteý tetigin qoldaný oń nátıje kórsetken. Jumyrtqaǵa (I sanattaǵy) shekti baǵany belgileý qalada on ónimniń ortasha qunyn 500-den 487 teńgege deıin tómendetýge múmkindik berdi.
Qaýly alǵashqy resmı jarıalanǵan kúninen bastap qoldanysqa engiziledi. Baǵalardyń saqtalýyn baqylaýdy Almaty qalasy kásipkerlik jáne ınvestısıalar basqarmasynyń mamandary men aýdandyq ákimdiktermen birlesip júzege asyrady.
Buzýshylyq 100 AEK-ke (291 700 teńge), atalǵan áreketter jyl ishinde qaıtalap jasalǵan jaǵdaıda 200 AEK-ke (583 400 teńge) deıin aıyppul túrinde ákimshilik jaýapkershilikke ákep soǵady.