Qazaqstanda sońǵy 3 apta boıy epıdemıologıalyq ahýaldyń birtindep turaqtanýy baıqalady. Bul týraly Úkimet otyrysynda QR Densaýlyq saqtaý mınıstri Alekseı Soı málim etti, dep habarlaıdy almaty-akshamy.kz QazAqparat tilshisine silteme jasap.
«Qazaqstanda 18 tamyzǵa deıin COVID-19-dyń oń nátıjesimen 708 379 jáne KVI teris nátıjemen 66 381 naýqas tirkelgen. Túrkistan oblysynan basqa barlyq óńir «qyzyl» aımaqta tur. Qazaqstanda sońǵy 3 apta boıy epıdemıologıalyq ahýaldyń birtindep turaqtanýy baıqalady. Bir aptada ortasha eseppen shamamen 53 myń jaǵdaı tirkeledi. 1 tamyzdan beri koronavırýs ınfeksıasynyń taralý ındeksi Qazaqstanda 14 paıyzǵa qysqaryp, 1,11-den 0,97-ge tómendedi»,- dedi mınıstr.
Onyń dereginshe, ınfeksıalyq tósek-oryndardyń júktemesi 53, al reanımasıalyq tósek-oryndardyń júktemesi 47 paıyzdy qurap otyr.
«Tósek-oryndardyń eń joǵary júktemesi Aqtóbe oblysynda 69%, Qyzylorda oblysynda 66%, al Almaty oblysynda 64 paıyzdy quraıdy», - dedi Alekseı Soı.