Ysyrapshyldyqpen kúres maqsatynda Joǵarǵy Keńes kıitke, qudalyq pen marqumǵa as berýge tyıym salmaq, dep habarlaıdy aqshamnews.kz
Qyrǵyz depýtattarynyń aıtýynsha buryn toılar men jerleý rásimderi halyqtyń batasyn alý úshin ótkizilse, qazir olar básekelestikke ulasyp ketken.
Zań jobasyna saı, úsh pen jeti kúndik, qyryq kún men jyldyq as berýge bolmaıdy. Al úılený toıy bir iri qara mal soıyp, 250 adamnan aspaıtyn qatysýshymen ótkizilýi kerek. Qyz uzatýǵa bir iri qara mal soıyp, shaqyrylatyn qonaq sany 100 adamnan aspaýy shart.
Atalmysh salt-joralǵylar kezinde qudalyq jasaýǵa, kıit kıgizýge tyıym salynbaq. Zań talaptaryn buzǵan azamattarǵa 300 myń som aıyppul salynýy múmkin, bul shamamen 1,5 mln teńge. Kafe men meıramhana ıeleri 591 myń teńge aıyppul tóleıdi.