Aldaǵy ýaqytta elimizde taýyq eti men jumyrtqa qymbattaýy múmkin, dep habarlaıdy Almaty-akshamy.kz.
Qazir Reseı bıdaı eksportyna tamyzdyń sońyna deıin shekteý qoıdy. Al bul qus azyǵynyń tapshylyǵyna ákeledi dep qaýiptenedi mamandar.
Otandyq qus ósirýshiler odaǵynyń prezıdenti Rýslan Sháripovtiń sózinshe, qus etiniń baǵasy aldaǵy ýaqytta 20-30%-ke kóteriledi.
"Dollar baǵamynyń kún sanap ósýi de qymbatshylyqqa uryndyrdy. Sonyń kesirinen jumyrtqa baǵasyna 10 paıyz ústeme qosylýy múmkin", - deıdi.