Saqtandyrý tólemderiniń somasy 729 mln teńge quraıdy.
Qazaqstannyń soltústik aımaqtaryndaǵy ylǵal jetispeýshiligi saldarynan zardap kórgen sharýalar saqtandyrý tólemderin alyp jatyr, dep habarlady Almaty-akshamy.kz.
Aýyl sharýashylyǵy salasyndaǵy mamandardyń aıtýynsha, uzaqqa sozylǵan qurǵaqshylyqtyń saldarynan egistik alqaptary aıtarlyqtaı zardap shekti.
«Qurǵaqshylyq faktileri Qoldau.kz saıtynda Agroinsurance júıesimen spýtnıktik derekter negizinde avtomatty túrde tirkeledi. Osylaısha saqtandyrý jaǵdaılary tirkelip, saqtandyrý kelisimshartyna otyrǵan fermerler saqtandyrý tólemderin alyp jatyr»,– delingen Aýyl sharýashylyǵy mınıstrliginiń baspasóz qyzmetiniń habarlamasynda.
Qazaqstandyq sharýalar tólemderdi úsh faza boıynsha alǵan. Jalpy, úsh faza boıynsha saqtandyrý tólemderiniń somasy 729 mln teńge quraǵan. Bul soma fermerlerdiń saqtandyrý polısterine jumsaǵan shyǵyndaryn 565,5 mıllıon teńgege asqan (729 myń teńge – 159,5 mln teńge).
Resmı málimet boıynsha, aǵymdaǵy jyly saqtandyrý kompanıalary topyraq ylǵaldylyǵy tapshylyǵynyń ındeksti saqtandyrý boıynsha jasalǵan 100 kelisimshart aıasynda jeti oblysta jáne elordada 121,3 myń ga aýmaqty saqtandyrlǵan. Bul kelisimsharttar boıynsha saqtandyrý syılyqaqylarynyń kólemi 319 mıllıon teńgeni quraǵan, onyń 159,5 mıllıon teńgesin fermerler tólegen, al 159,5 teńgeni aýyl sharýashylyǵyn saqtandyrý salasyndaǵy operator bolyp tabylatyn Aýyl sharýashylyǵyn qarjylaı qoldaý qory tólegen.