Qarttar barlyq qurmetke laıyqty. Olar kezinde eldiń kórkeıýine óz úlesin qosyp, atsalysqan. Keıingi urpaq sol kisiler salǵan sara jolmen júrip, úlkenderden jınaǵan tájirıbesimen alǵa basa bermek.
Almaty qalasy boıynsha QAJ departamentine qarasty LA-155/6 mekemesiniń ujymy Qarttar kúninde ózderiniń egde jastaǵy, qurmetti zeınet demalysyndaǵy áriptesterin umytpaı, olarǵa qurmet-iltıpattaryn bildirdi.
Qylmystyq-atqarý júıesiniń ardageri Georgıı Mıhaılovıch Pchelkın men ardagerler keńesiniń múshesi Ýrýnbý Tohtogýlqyzy Jańabekovany LA-155/6 mekeme bastyǵynyń tárbıe jumystary jónindegi orynbasary, ádilet maıory Gúlshat Nurjanova jáne kadr saıasat toby, ádilet aǵa leıtenanty Janserik Shúkirov arnaıy quttyqtap, aǵa býynnyń qylmystyq-atqarý júıesindegi uzaq jyldar boıǵy eren eńbekterin atap ótip, mekeme ujymy atynan syı-syıapattar usyndy. Jaqsy sózder de, qushaq-qushaq gúlder de úlkenderdi qýantyp tastady.
