Eks-mınıstr Qýandyq Bıshimbaev sot otyrysynda bergen jaýabynda S. Núkenovanyń týystarynan keshirim surady, dep habarlaıdy Almaty-akshamy.kz.
«Shyn máninde maǵan sóz sóıleý óte qıyn. Men túsinem jáne eshqandaı keshirimnen úmittenbeımin. Biraq bul - meniń adamdyq boryshym. Myna jerde jábirlenýshiler, onyń (S. Núkenova - red.) týystary, ata-anasy otyr. Shynymdy aıtsam, alǵashynda onyń ólimin oı-sanammen qabyldaý qıyn boldy», - dep bastady ol.
Sondaı-aq, ol bul qazanyń zardabyn jan-dúnıesimen sezinetinin aıtty.
«Keshirim suraǵym keledi. Men eshqandaı keshirimnen dámetpeımin. Biraq bul - meniń ishki mindetim, jan-dúnıemniń úndeýi. Men bul joǵaltýdyń salmaǵyn baǵamdaımyn jáne oǵan qatysym bar ekenin túsinemin. Birinshi aıtqym keletini osy», - dedi Qýandyq Bıshimbaev.