Jańa qaýly: «Qyzyl» aımaqtaǵy nysandar demalys kúni jumys isteıdi
Qujatta jazylǵandaı, «Ashyq» jobasyna qatysatyn obektiler jumys jáne demalys kúnderi «qyzyl» jáne «qonyr qyzyl» aımaqtarda ornalasqan ónirlerde saǵat 00.00-ge deıin ashyq bolady, dep habarlaıdy Almaty-akshamy.kz
Al joba kóshbasshylary úshin saǵat 02.00-ge deıin jumys isteýge ruqsat berildi.
«Sary» aımaqta ornalasqan oblystardaǵy nysandar saǵat 01.00-ge deıin, joba kóshbasshylary saǵat 03.00-ge deıin jumys isteıdi. «Jasyl» aımaqta ornalasqan ónirlerde saǵat 03.00-ge deıin, «Ashyq» jobasynyń kóshbasshylary úshin saǵat 05.00-ge deıin jumys rejımi belgilendi. Talap boıynsha demalys kúnderi qyzmetkerler men kelýshilerde «jasyl mártebe» bolýy tıis. Dese de «jasyl mártebe» bolýyna jáne jumys rejımin shekteýge qoıylatyn talap oblysaralyq jáne oblysishilik turaqty tasymalǵa, qonaq úılerge, áýejaılarǵa, temirjol, avtokólik beketterine, ózen jáne teńiz porttaryna, avtostansıalarǵa, jolaýshylarǵa qyzmet kórsetý pýnktterine, bilim berý obektilerine, JOO-ǵa, kolejderge, ınternattarǵa, bilim berý uıymdarynyń jataqhanalaryna qoldanylmaıdy», - delingen qaýlyda.
Medısınalyq uıymdarda, qarttar men múmkindigi shekteýli adamdarǵa arnalǵan medısınalyq-áleýmettik obektilerde, balalar úılerinde, áleýmettik ońaltý ortalyqtarynda sanıtarlyq-dezınfeksıalyq rejım qatań saqtalýy tıis.
Áleýetti ata-analar berilgen kúninen bastap 3 táýlikten aspaıtyn ýaqyt ótken, teris nátıjesi bar PTR ádisimen COVID-19-ǵa zerthanalyq tekserilgeni týraly qujatty nemese vaksınanyń tolyq kýrsyn alǵanyn rastaıtyn qujatty usynǵan kezde jetim balalardy odan ári asyrap alý, qorǵanshylyqty, qamqorshylyqty belgileý úshin balalar úılerine bara alady.