Qazaqstan halqy Assambleıasynyń keńeıtilgen otyrysy
Qazaqstan halqy Assambleıasynyń keńeıtilgen otyrysynda Memleket basshysy Qasym-Jomart Toqaev qoǵamdyq kelisim mekemeleri qyzmetkerleriniń jalaqysyn kóbeıtý kerektigin aıtty, dep habarlaıdy Almaty-akshamy.kz QazAqparat saıytna silteme jasap.
«Ekinshi másele – jergilikti atqarýshy organdar jumysynyń tıimdiligin arttyrý. Biz byltyr ár óńirdiń ishki saıasat basqarmasynan jeke bólim ashtyq. Osy bólimderge qoldaý kórsetip, jumysyn jandandyra túsý kerek. Oǵan óz quziretine kirmeıtin tapsyrma berilmeýi qajet. Árkim ózine júktelgen mindetti atqarýǵa tıis. Qoǵamdyq kelisim mekemesiniń de qyzmetine qatysty osy talapty ustanýǵa tıispiz. Atalǵan ujymdarda jumys isteıtin qyzmetkerlerdiń jalaqysyn kóbeıtken jón», - dedi Qasym-Jomart Toqaev.
Memleket basshysy etnosaralyq qatynas salasyndaǵy óńirlik qurylymdardy mamandarmen qamtamasyz etýge de basa nazar aýdarý kerektigin aıtty.
«Bul jumys, eń aldymen, ulttyq quramy ártúrli jáne belgili bir etnos ókilderi tyǵyz qonystanǵan aımaqtarǵa qolǵa alý qajet», - dedi QR Prezıdenti.