Baqylaý kúsheıtildi
Mańǵystaý oblysynda qoqysty ruqsat etilmegen jerge tógetinderge baqylaý kúsheıtildi. Jyl basynan beri qorshaǵan ortany lastaǵany úshin 6 myń adamǵa shara qoldanyldy, dep habarlaıdy Almaty-akshamy.kz QazAqparat-qa silteme jasap.
«Ásirese, jaz aılarynda qoqys máselesi ózekti. Kún ystyǵyna baılanysty aýaǵa jaǵymsyz ıis taraıdy. Budan qorshaǵan orta da, adamdardyń ózderi de zardap shegedi. Jyl basynan beri tabıǵatty qorǵaý polısıasy 6 myń adamǵa aıyppul saldy jáne bul jumys aldaǵy ýaqytta kúsheıtiledi», - deıdi jergilikti polısıa basqarmasy bastyǵynyń mindetin atqarýshy Bilimǵalı Sultanov.
Qorshaǵan orta tazalyǵyn saqtamaıtyn turǵyndarǵa osy ýaqytqa deıin 24 mln 925 myń teńge aıyppul salynǵan. Aıyppul arqalǵandardyń basym bóligi, qaryzdarynan qutylǵan. Sondaı-aq, ekologtarmen birigip júrgizilgen reıdter nátıjesinde, tártip buzýshylar arasynda tek tabıǵatty lastaǵandar emes, jasyl jelekke nuqsan keltirgen azamattar anyqtalǵan. Olarǵa da tıisti shara qoldanyldy.