KASE Qazaqstan qor bırjasy 15:30-daǵy jaǵdaı boıynsha, dollardyń ortasha baǵamy 462,55 teńgeni qurap, 0,30 teńgege tómendedi, dep habarlaıdy Almaty-akshamy.kz Egemen.kz-ke silteme jasap.
Qytaı ıýaniniń ortasha ólshengen baǵamy tómendep, 68,10 teńgeni (-0,15) qurady.
Eýro jáne rúbl boıynsha saýda-sattyq ótkizilgen joq. Ulttyq bank eýro baǵamyn 501,04 teńgege, rúbldi – 6,73 teńge belgiledi.
Aıyrbastaý pýnktterinde dollardy 462-465,6 teńgeden, eýrony – 501-506 teńgeden, reseı rýblin – 6,45-6,7 teńgeden satyp alady/satady.
Sonymen qatar, 20 qańtardaǵy saýda-sattyq barysynda álemdik munaı baǵasy ósti.
Máselen, Londondaǵy ICE Futures bırjasynda naýryz aıyndaǵy Brent munaı fúchersteriniń quny 0,12%-ǵa kóterilip, barreline 86,26 dollardy qurady.
NYMEX Nú-Iork taýar bırjasynyń elektrondyq saýda-sattyǵynda WTI munaı fúchersteriniń aqpan aıyndaǵy baǵasy 0,21%-ǵa ósip, barreline 80,5 dollarǵa jetti.