Qonaev qalasynda masalarǵa qarsy óńdeý jumystary bastaldy, dep habarlaıdy Almaty-akshamy.kz QazAqparat-qa silteme jasap.
«17 mamyrda Qonaev qalasynda bezgek masasyna qarsy óńdeý jumystary bastaldy. Onymen sanıtarıalyq-epıdemıologıalyq saraptama ortalyǵynyń mamandary, qalalyq sanıtarıalyq-epıdemıologıalyq baqylaý basqarmasy jáne ákimdik ókilderi aınalysady. İs - sharanyń maqsaty - bezgekti tasymaldaýshylar sanynyń ósýine jol bermeý. Óńdeýdiń birinshi kezeńi 17-24 mamyr aralyǵyna josparlanyp otyr»,- delingen Almaty oblystyq sanıtarıalyq epıdemıologıalyq qadaǵalaý departamenti taratqan habarlamada.
Vedomstvonyń aqparatyna sáıkes, turǵyndar aı saıyn jyly mezgilde turǵyn úılerdiń jertólelerin óńdeýi qajet.
«Kásipkerlerge beretin keńesimiz, demalys bazalarynyń aýmaqtarynda masalardyń kóbeıýi men tirshiligi úshin qolaıly jaǵdaı jasaıtyn sý qoımadaǵy jaǵany ósimdikterden (qamys, balshyq, baldyrlar) tazarta otyryp, masalarǵa qarsy óńdeýdi júrgizýińizdi suraımyz. Joǵaryda atalǵan sharalardy ýaqytyly jáne sapaly ótkizý jándikterdiń sanyn azaıtýǵa yqpal etedi»,- dep tolyqtyrdy atalǵan vedomstvonyń baspasóz qyzmetinen.