Ýnıversıtette 650-den astam bilim berý baǵdarlamsy iske asyrylýda.
Ál-Farabı atyndaǵy Qazaq ulttyq ýnıversıtetiniń Basqarma Tóraǵasy – Rektory Janseıit Túımebaev 2020-202 oqý jylynyń bilim berý, áleýmettik-tárbıelik qyzmetteriniń qorytyndylaryn jasap onlaın jáne oflaın formatta eseptik kezdesý ótkizdi, dep habarlaıdy Almaty-akshamy.kz.
Rektordyń halyq aldyndaǵy esebinde ýnıversıtet qyzmetine tolyq jáne jan-jaqty sholý jasap, esepti jyldaǵy negizgi nátıjelerdi taldady jáne odan ári damý baǵdarlamasyn qamtydy.
Rektor «ýnıversıtet tarıhynyń, oqytýshylardyń, ǵalymdardyń jáne stýdentterdiń kásibı deńgeıiniń joǵarylyǵynyń arqasynda ýnıversıtet jahandyq básekege qabiletti» dep atap ótti.
Postkeńestik keńistikte tek eki ýnıversıtet álemniń top-200 úzdik ýnıversıtetteriniń qataryna kiredi, olar – M.V.Lomonosov atyndaǵy MMÝ (78-oryn) jáne ál-Farabı atyndaǵy QazUÝ (175-oryn). Sondaı-aq ýnıversıtet QS Stars Rating System halyqaralyq reıtıńisinde «Bes juldyz» artyqshylyǵyna ıe bolǵan Ortalyq Azıa óńirindegi alǵashqy jáne jalǵyz joǵary oqý orny.
Ýnıversıtette kadrlyq áleýettiń damýyna erekshe nazar aýdarylady. Oqytýshy-professorlar quramynyń shtat sany shamamen 2,9 myńdy quraıdy, onyń ishinde 1,2 myńnan astam doktorlar men ǵylym kandıdattary jáne 350-ge jýyq PhD doktorlary bar. Ýnıversıtet profesorlarynyń arasynda QR Ulttyq ǵylym akademıasynyń 10 akademıgi men 7 korespondent-múshesi, ǵylym men tehnıka salasyndaǵy Memlekettik syılyqtyń 14 laýreaty bar. Bilim ordasyndaǵy 400-den asa oqytýshy «JOO-nyń Úzdik oqytýshysy» grantyn ıelengen, bul jalpy elimiz boıynsha 20% kórsetkishke sáıkes keledi.
«Oqytýshylardy materıaldyq yntalandyrý maqsatynda bıyl eńbek aqysy eki ese kóbeıdi. Nátıjesinde, oqytýshylardyń eń tómengi jalaqysy – 285 myń, aǵa oqytýshy – 312 myń, dosent – 389 myń, profesor – 500 myń teńgeni qurady», - dep habarlaıdy ál-Farabı atyndaǵy QazUÝ-dyń baspasóz qyzmeti.
Jalpy alǵanda, ýnıversıtetke eldegi grant ıegerleriniń jalpy sanynyń shamamen 7 paıyzyn qabyldandy. Álemniń 50 elinen 2,4 myńǵa jýyq sheteldik stýdentter bilim alýda. Sheteldik stýdentterdiń qataryn 2025 jylǵa deıin 25 paıyzǵa deıin arttyrý mindeti qoıylyp otyr. Bul maqsatqa jetý úshin Túrkıa, Qyrǵyzstan, Ózbekstan, Armenıa elderinde QazUÝ fılıaldaryn ashý júzege asady. Ótken jylmen salystyrǵanda talantty jastardy tartý 2,2 esege artqan. Máselen, ótken jyly «Altyn belgi» ıegerleriniń sany 508 bolsa, osy jyly – 1058, ıaǵnı eki esege kóbeıdi.
QazUÝ túlekteri elimizde jáne shetelde suranysqa ıe, túlekterdiń jumysqa ornalasýy orta eseppen 94 paıyzdy quraıdy. 2021 jyly ýnıversıtet álemdegi eń úzdik ýnıversıtetterdiń QS reıtıńisinde túlekterdiń jumysqa ornalasý qabilettiligi boıynsha úzdik 201-250-ge kirdi. «Jumyspen qamtylǵan túlekterdiń úlesi» kórsetkishi boıynsha ýnıversıtet álemde 55-orynda.
Ýnıversıtette 650-den astam bilim berý baǵdarlamalary iske asyrylýda, olardyń 120-sy álemniń jetekshi ýnıversıtetterimen birlesip qos dıplom baǵdarlamasy boıynsha júrgiziledi, 92 bilim baǵdarlamasy aǵylshyn tilinde júzege asyrylady. Aǵymdaǵy jyly 100-den astam jańa bilim berý baǵdarlamasy iske qosyldy.
Búginde QazUÝ ǵylymı jobalar jáne ǵylymı jarıalanymdar sany boıynsha elimizde kósh bastap tur. Reıtıńtik basylymdardaǵy árbir besinshi qazaqstandyq jarıalanym ýnıversıtetke tıesili. Ýnıversıtettiń bes ǵylymı jýrnaly Halyqaralyq derekter qoryna kiredi. Bizdiń ǵalymdar 400-den astam patentter men avtorlyq kýálikterge ıe boldy.
Bilim alýshylardy áleýmettik qoldaý – ýnıversıtet basymdyqtarynyń biri. Áleýmettik osal sanattaǵy myńnan astam «óte jaqsy» jáne «jaqsyǵa» oqıtyn stýdentter oqý aqysyna 10-nan 25 paıyzǵa deıin jeńildik alady.
Ál-Farabı atyndaǵy QazUÝ stýdentteri qazaqstandyq jáne halyqaralyq sport arenasyna belsendi qatysýda. Tokıo olımpıadasy qorytyndysynda el qorjynyna stýdentter men túlekter tórt qola medal alyp keldi.
Qazirgi ýaqytta jeti oqý korpýsynda syrtqy merdigerlerdi tartpaı, ýnıversıtet qyzmetkerleri tarapynan jóndeý júrgizdi. Tórt oqý korpýsynda kúrdeli jóndeý jumystary aıaqtalýda. Buǵan deıin jasalǵan tehnıkalyq qoldaýlarǵa qaramastan oqý korpýstary men jańa qurylys ǵımarattaryna túbegeıli jańartýlar qajet. 2,5 myńnan astam oqytýshy men qyzmetker turǵyn úıge muqtaj.
Joǵaryda atalǵan máselelerdi sheshý maqsatynda kampýsty damytý jónindegi 2021-2025 jyldarǵa arnalǵan jumys jospary ázirlendi, onda jataqhanalardy jáne, oqý korpýstaryn qaıta qurý jáne salý; qyzmettik turǵyn úı salý kózdelgen. Ýnıversıtet QR BǴM «Qarjy ortalyǵy» AQ-men birlesip, jataqhanalar salý úshin áleýetti ınvestorlardy tartý boıynsha jumys júrgizýde. Sondaı-aq qarjylandyrýdyń túrli tetikteri qarastyrylýda jáne syrtqy ınvestısıalardy tartý josparlanýda.
«Qazirgi ýaqytta ýnıversıtet ujymy joǵary bilim men ǵylymnyń sapasyn arttyrý boıynsha strategıalyq mindetterdi sheshýge umtylýda. QazUÝ-dyń odan ári damýy elimizdiń adamı kapıtaly men ǵylymı-tehnologıalyq áleýetin kúsheıtýge yqpal etetin bolady», – dedi, baıandamasyn qorytyndylaǵan QazUÝ Basqarma Tóraǵasy – Rektory Janseıit Túımebaev.
Ýnıversıtet basshysynyń baıandamasynan soń, stýdentter, oqytýshylar men BAQ ókilderi ózderin tolǵandyrǵan saýaldaryna jaýap aldy. Kezdesý qorytyndysy boıynsha birqatar máselelerdi basshylyq baqylaýyna aldy jáne kelip túsken barlyq usynystar óz deńgeıinde qaralatyn bolady.
Esepti kezdesýinde rektor oqytýshylar, stýdentter jáne qoǵam músheleri tarapynan qoıylǵan suraqtarǵa jaýap berdi. Kezdesý qorytyndysy boıynsha birqatar máseleler basshylyq baqylaýyna alyndy jáne kelip túsken barlyq usynystar óz deńgeıinde qaralatyn bolady.