Qyrym tatarlarynyń «Vatandash» ulttyq mádenı ortalyǵynyń tóraǵasy, profesor Seıit Babalıev almatylyqtardyń saılaý ýchaskelerine joǵary belsendilikpen keletinine senimdi.
– Búgin búkil el úshin óte mańyzdy kún! Sondyqtan men otbasy jaǵdaıyna baılanysty №53 mektepte ornalasqan №367 saılaý ýchaskesine erterek kelip, óz tańdaýymdy jasadym. Álbette, tańerteńgi saǵat 7-de adamdar az boldy. Onyń ústine búgin jeksebi – demalys. Deıturǵanmen, almatylyqtar búgingi tarıhı kúnniń óz deńgeıinde ótýine atsalysatynyna óz basym senimdimin. Óıtkeni, bizdiń turǵyndar el ómirinde bolyp jatatyn osyndaı mańyzdy sharalarda únemi belsendilik tanytyp jatady. Men de birinshi jyl kelip turǵanym joq. Mundaı saıası dodalardan eshqashan qalys qalǵan emespin.