Elimizdiń energetıka salasyn ártaraptandyrý qajet. Bul elektr qýatynyń tapshylyǵyn sheshýdiń mańyzdy joly. Almatyda ótken jıynda sala mamandary osyndaı pikir bildirdi.
Ǵalymdardyń aıtýynsha, qazirgi tańda elektr qýatyn tutyný jyl saıyn 3%-ǵa ósip otyr. Osy qajettilikti tolyq qamtamasyz ete almaǵandyqtan, kórshiles elderden elektr energıasyn alýǵa májbúrmiz.
Ásirese, ońtústik óńirlerde elektr jaryǵynyń tapshylyǵy jıi baıqalyp, anda-sanda óship qalady. Eger atom elektr stansıasy salynsa, Qazaqstanda senimdi ári turaqty energıa kózi paıda bolar edi.
Kún, sý jáne jel elektr stansıalary kún men jelge táýeldi. Keıde jel bolady, keıde bolmaıdy, sol sebepti olardyń tıimdiligi tómen. Mysaly, kún elektr stansıalary kúndiz qýat beredi, al túnde energıa joq. Bizge turaqty jáne senimdi energıa kózi qajet.