Qyzmetten ketetinin Meıirhat Qasymbaev 30 qazanda Instagram jelisinde jarıalady.
"Búgin jeke sheshimime sáıkes "QazAvtoJol "UK"AQ Basqarma Tóraǵasy qyzmetin aıaqtadym. Eki jylǵa jýyq ýaqyt ishinde áriptesterimmen birlese qurylysy uzaqqa sozylǵan joldardy qolǵa alyp, jobalardy aıaqtaý úshin aıanbaı eńbek ettik. Úlken jumys atqaryldy", – dep jazdy ol.
Meıirhat Qasymbaevtyń sózinshe, sońǵy eki jyl ishinde 7 mln tonna asfált tóseldi, ıaǵnı shamamen 2,5 myń shaqyrym jol jańa asfáltpen qamtylǵan.
"Jasyratyny joq, avtojol salasy memleket basshysynyń tarapynan da, turǵyndarymyzdyń tarapynan da birneshe ret synǵa ushyrady. Joldyń máselesi bir kúnde sheshilmeıdi. Oń ózgeriske qol jetkizý úshin júıeli túrde jumys isteý kerek. Prezıdenttiń tapsyrmasyna sáıkes byltyrdan beri salany reformalaý úshin birqatar shara qabyldanyp jatyr" - deıdi M.Qasymbaev
Meıirhat Qasymbaev "QazAvtoJol" UK AQ basqarma tóraǵasy bolyp eki jylǵa jýyq qyzmet atqardy. Ol bul qyzmetke 2022 jylǵy aqpan aıynda taǵaıyndalǵan.