Búgin qazaqy ıt tuqymdaryn saqtaý jáne ósimin molaıtý jónindegi zań kúshine endi.
Bul týraly Ekologıa jáne tabıǵı resýrstar mınıstrliginiń baspasóz qyzmeti málimdedi, dep habarlaıdy Almaty -akshamy. kz
2023 jylǵy 3 qańtarda «Qazaqy ıt tuqymdaryn saqtaý jáne ósimin molaıtý máseleleri boıynsha QR keıbir zańnamalyq aktilerine ózgerister men tolyqtyrýlar engizý týraly» zań qabyldanǵan bolatyn. Onda qazaq ıt tuqymdaryn saqtaý jáne ósimin molaıtý salasyndaǵy qyzmetti júzege asyrýdyń quqyqtyq, uıymdastyrýshylyq jáne ekonomıkalyq negizderi belgilengen.
Zańda ýákiletti organnyń quzyreti belgilengen. Ol – normatıvtik-quqyqtyq aktilerdi bekitý, onyń ishinde qazaq ıt tuqymdarynyń Ulttyq ortalyǵyn qurý.
Qazaqstanda alǵash ret qurylatyn qazaqy ıt tuqymdarynyń Ulttyq ortalyǵy Orman sharýashylyǵy jáne janýarlar dúnıesi komıtetiniń «Ohotzooprom» ÓB» RMQK-nyń qurylymdyq bólimshesi bolyp tabylady.
Ulttyq ortalyqqa standartqa neǵurlym saı, onyń ishinde syrtqy-konstıtýsıalyq sıpattamalary, ózge de qasıetteri sáıkes keletin tazy men tóbet iriktep alynady, olardan keıinnen taza tuqymdy ıtter shyǵarylady. Atalǵan ortalyqtyń jumysyna ǵalymdar men bilikti kınologtar shaqyrylady.
Sondaı-aq Ulttyq ortalyqta qazaqy ıt tuqymdaryn saqtaý jáne ósimin molaıtý salasynda memlekettik ǵylymı-tehnıkalyq baǵdarlamalar ázirlenedi. Sarapshylar men kınolog mamandardy oqytý jumystary júrgiziledi. Ázirlengen standarttarǵa sáıkes tazy men tóbettiń biryńǵaı kitaby júrgizilip, olardyń shyǵý tegi týraly kýálik beriledi.
Komıtettiń bastamasymen jumys toby quryldy. Oǵan ýákiletti organnyń, ǵylymı jáne qoǵamdyq uıymdardyń ókilderi, kınologtar, qazaqy ıt tuqymdaryn ósirýshiler kirdi. Qazirgi tańda jumys toby Ulttyq ortalyqtyń qyzmetkerler qurylymyn, shtattyq keste jáne biliktilik talaptaryn ázirledi.
Sondaı-aq Prezıdentimiz tazy men tóbetti qazaqy ıt tuqymdary retinde álemge tanytý mindetin qoıdy.
Osyǵan oraı, 2023 jyldyń mamyr aıynda Belgıanyń Túen qalasynda Qazaqstan kınologtar odaǵynyń prezıdenti men Halyqaralyq kınologıalyq federasıanyń (FCI) basshysymen kelissóz júrgizdi.
Kezdesý aıasynda QKO-nyń FCI-ge tolyq quqyly músheligine resmı ótinim berildi. Bul másele Halyqaralyq kınologıalyq Federasıanyń Bas Assambleıasynda 2023 jylǵy 21-22 tamyzda Jenevada (Shveısarıa) qaralatyn bolady