Moneta kúmis qorytpadan jasalǵan.
Moneta «Qazaqstan Respýblıkasy Ulttyq Bankiniń Qazaqstan teńge saraıynda» soǵylǵan, dep habarlaıdy Almaty-akshamy.kz
Belarýs Ulttyq banki «Slavánka» ınvestısıalyq kúmis monetasyn aınalymǵa shyǵardy. Bul týraly Belarýs Ulttyq bankiniń Aqparat jáne qoǵammen baılanys departamenti habarlady.
«10 qazannan bastap Belarýs Respýblıkasynyń Ulttyq banki nomınaly 20 rúbl bolatyn 2023 jylǵy «Slavánka» kúmis quıma (ınvestısıalyq) monetasyn aınalymǵa shyǵarady», - delingen habarlamada.
Moneta 999,9 tazalyqtaǵy kúmis qorytpasynan jasalǵan, massasy 31,1 gram, taralymy 10 myń dana. Monetanyń syrt jaǵynda (reversinde) qolynda kishkentaı balasy bar jas slaván áıeliniń portreti, búıir jaǵynda kompozısıanyń rýhanı quramdas bóligin tolyqtyratyn eki jumaq qusy beınelengen. Bet jaǵynda (aversinde) Belarýs memlekettik eltańbasynyń bederli beınesi salynyp, monetanyń nomınaly jazylǵan.
Moneta «Qazaqstan Respýblıkasy Ulttyq Bankiniń Qazaqstan teńge saraıy» RMK-da soǵylǵan.
Belarýs eliniń óziniń teńge saraıy joq, sondyqtan monetalaryn basqa elderde shyǵarady.