Qazaqstannyń SİM basshysy «Bir beldeý, bir jol» bastamasy sheńberinde halyqaralyq beınekonferensıaǵa qatysty
- Qazaqstan Premer-Mınıstriniń orynbasary - Syrtqy ister mınıstri Muhtar Tileýberdi Azıa-Tynyq muhıt óńiriniń joǵarǵy deńgeıdegi halyqaralyq beınekonferensıasyna qatysty, dep habarlady Almaty-akshamy.kz QR SİM saıtyndaǵy habarǵa silteme jasap.
Atalǵan is-shara Qytaı tarapynyń bastamasymen «Bir beldeý, bir jol» baǵdarlamasy sheńberinde ótti. «Turaqty qalypqa kelý maqsatynda COVID-19 indetimen kúreste qolǵabys kórsetý» - forýmnyń negizgi taqyryby boldy.
Muhtar Tileýberdi óz sózinde densaýlyq saqtaýdy sıfrlandyrý salasynda yntymaqtastyqty ornatý, COVID-19 indetine qarsy ekpelerge qol jetimdilikti jáne olardyń ádil bólinýin qamtamasyz etý, sondaı-aq Azıa-Tynyq muhıt óńiriniń múshe-memleketterimen koronavırýstyq ınfeksıasymen kúresý boıynsha yntymaqtastyqtyń praktıkalyq tetikterin kurý boıynsha qazaqstandyq bastamalaryn atap ótti. Sonymen qatar ol elimizdiń BUU-nyń ekologıalyq kún tártibine mańyzdy mán beretindigine jáne ekonomıkany kógaldandyrý jóninde jumysty jalǵastyrýǵa daıyn ekendigine nazar aýdardy.
Beınekonferensıaǵa Azıa-Tynyq muhıt óńiri, Latyn Amerıka, Ortalyq Azıa memleketteriniń syrtqy saıası vedomstvolarynyń jáne halyqaralyq uıymdardyń basshylary qatysty. İndetpen kúresý baǵytynda qarym-qatynastardyń bolashaq joldary talqylandy jáne indetten dáýirinde keıingi jahandyq ekonomıkany qalpyna keltirý boıynsha pikir almasý ótti.
Jasyl ekonomıka men ınvestısıalar salasyndaǵy yntymaqtastyqtyń bolashaǵyna jáne ózekti ekologıalyq máselelerdiń sheshilýine asa kóńil bólindi.
İs-sharanyń qorytyndysy boıynsha taraptar COVID-19-ǵa qarsy ekpeler salasynda yntymaqtastyqtyń boıynsha «Bir beldeý, bir jol» seriktestiginiń bastamasy aıasynda» men «Jasyl damý salasynda yntymaqtastyqtyń boıynsha «Bir beldeý, bir jol» bastamasy» eki qujatty qabyldady.
