Bıylǵy joba jeńimpazdary bolyp Qazaqstandaǵy tuńǵysh parahokkeı seksıasyn ashqan Qaırat Sábıtov, qıyn jaǵdaıǵa tap bolǵan áıelderge ýaqytsha baspana men kómek kórsetetin «Sen jalǵyz emessiń» jobasynyń avtory Aıjan Karkenova, «Biz de adambyz» qorynyń negizin qalaýshy, Atyraýda «Talshyn» ınklúzıvti teatrynyń ashylýyna muryndyq bolǵan Gúlnaz Qosmurzıeva tanyldy, dep habarlaıdy aqshamnews.kz
BI Group kompanıasy «Qazaqstannyń laıyqty azamaty» respýblıkalyq konkýrsynyń jeńimpazdaryna páter kiltterin tabystady Ulysmedia.kz.
20 shilde men 5 tamyz aralyǵynda ótken onlaın daýys berýge táýelsiz qazylar alqasy men on myń qazaqstandyq qatysyp, 10 fınalıstiń ishinen 3 jeńimpaz irikteldi. Nátıjesinde bıylǵy joba jeńimpazdary bolyp Qazaqstandaǵy tuńǵysh parahokkeı seksıasyn ashqan Qaırat Sábıtov, qıyn jaǵdaıǵa tap bolǵan áıelderge ýaqytsha baspana men kómek kórsetetin «Sen jalǵyz emessiń» jobasynyń avtory Aıjan Karkenova, «Biz de adambyz» qorynyń negizin qalaýshy, Atyraýda «Talshyn» ınklúzıvti teatrynyń ashylýyna muryndyq bolǵan Gúlnaz Qosmurzıeva tanyldy.
Úsh fınalıst BI Group kompanıasy Astananyń sol jaǵalaýynan salǵan SPACE turǵyn úı kesheninen bir, eki jáne úsh bólmeli páterlerdi ıelendi.
«Qazaqstannyń laıyqty azamaty» baıqaýy 2016 jyldan beri ótkizilip keledi. Jobanyń maqsaty – qazaq qoǵamynyń damýyna úles qosyp júrgen belsendi jáne áleýmettik jaýapkershiligi joǵary adamdardy qoldaý. 2025 jyly bul joba BI Group-tyń mereıtoılyq «30 ıgi is» baǵdarlamasyna engen.