Qazaqstandyqtar basymdyqty birden qolǵa aldy
Hokeıden jasóspirimder arasyndaǵy álem chempıonaty aldynda (1A) Qazaqstan quramasy keleshek qarsylasy jáne týrnır ıesi – Fransıa komandasyna qarsy mach ótkizdi. Almaty-akshamy.kz bul týraly Qazaqstan hokeı federasıasyna silteme jasap habarlaıdy.
Qazaqstandyqtar basymdyqty birden qolǵa alyp, qatarynan eki shaıba soqty. Esepti Davlat Nurkenov ashty, keıin Egor Levkoves mergendik tanytty.
Ekinshi kezeń basynda Nıkıta Sıtnıkov taǵy bir soqty, al bes mınýt ótken soń dúbl jasady. Qarsylastyń qaqpasyna besinshi shaıbany Roman Bolshedvorskıı engizdi.
Úshinshi kezeńde gol avtory Kırıll Kankın atandy. Fransýzdyq qurama oıyn aıaqtalarǵa 6 mınýt qalǵanda Vladımır Nıkıtınniń qaqpasynan sańylaý taýyp ketti. Alaıda, Egor Levkoves Qazaqstan quramasynyń atalǵan machtaǵy jetinshi upaıynyń avtory atandy. Degenmen, alań ıeleri oıyn aıaqtalar tusta esep aıyrmashylyǵyn jaqyndata aldy, esep – 2:7. Jeńis – Qazaqstan quramasynda.