Budan buryn İshki ister mınıstri Erlan Turǵymbaevtyń qyzmetinen bosatylǵanyn habarlaǵanbyz.
Marat Ahmetjanov buǵan deıin Sybaılas jemqorlyqqa qarsy agenttiktiń basshysy qyzmetin atqarǵan, dep habarlaıdy Almaty-akshamy.kz
«Marat Muratuly Ahmetjanov Qazaqstan Respýblıkasynyń İshki ister mınıstri bolyp taǵaıyndalsyn, ol Qazaqstan Respýblıkasynyń Sybaılas jemqorlyqqa qarsy is-qımyl agenttiginiń (Sybaılas jemqorlyqqa qarsy qyzmettiń) tóraǵasy laýazymynan bosatylsyn», - dep jazylǵan QR Prezıdenti qol qoıǵan Jarlyqta.
Ahmetjanov Marat Muratuly 1964 jyly 22 jeltoqsanda dúnıege kelgen.1991 jyly Býketov atyndaǵy Qaraǵandy memlekettik ýnıversıtetin bitirgen, zańger.
Eńbek jolyn 1991 jyly taǵylymger qyzmetinen bastap, keıin Temirtaý qalasy prokýratýrasynyń tergeýshisi bolyp qyzmet atqarǵan.
1993-1996 jyldary Bas prokýratýra janyndaǵy Sybaılas jemqorlyqqa qarsy kúres jónindegi arnaıy prokýratýranyń asa mańyzdy ister jónindegi aǵa tergeýshisi, Bas prokýratýranyń asa qaýipti qylmystardy tergeý basqarmasy aımaqtyq tergeýshiler bóliminiń bastyǵy boldy.
1996-1997 jyldary Memlekettik tergeý komıtetiniń asa qaýipti qylmystardy tergeý basqarmasynyń bólim bastyǵy, Memlekettik tergeý komıtetiniń áskerı-tergeý departamenti tergeý basqarmasynyń bastyǵy bolǵan.
1997-1998 jyldary - İshki ister mınıstrliginiń Áskerı-tergeý departamenti tergeý basqarmasynyń bastyǵy.
1998-2001 jyldary tergeý departamenti dırektorynyń orynbasary jáne Ádilet mınıstrliginiń Sot qaýlylaryn oryndaý komıteti tóraǵasynyń orynbasary qyzmetin atqardy.
2001-2003 jyldary Bas prokýratýranyń tergeý jáne anyqtaý organdaryndaǵy zańdylyqty qadaǵalaý departamentiniń bastyǵy bolǵan.
2003-2006 jyldary – Pavlodar oblysynyń prokýrory.
2006-2009 jyldary – Ońtústik Qazaqstan oblysynyń prokýrory.
2009-2012 jyldary – Bas prokýratýranyń quqyqtyq statısıka jáne arnaıy esepke alý jónindegi komıtetiniń tóraǵasy.
2012-2014 jyldary –ekonomıkalyq qylmysqa jáne sybaılas jemqorlyqqa qarsy kúres agenttigi tóraǵasynyń orynbasary.
2014-2016 jyldary – Atyraý oblysy memlekettik qyzmet isteri jáne sybaılas jemqorlyqqa qarsy is-qımyl departamentiniń basshysy, Atyraý oblysy sybaılas jemqorlyqqa qarsy is-qımyl ulttyq búro departamentiniń basshysy.
2016-2021 jyldary – Qazaqstan Respýblıkasy Bas prokýrorynyń orynbasary.
2021 jyldyń 16 sáýirinen bastap Sybaılas jemqorlyqqa qarsy is-qımyl agenttiginiń tóraǵasy bolǵan.