Ulttyq ǵylymı kardıohırýrgıa ortalyǵy álemniń eń úzdik 22 klınıkalarynyń qataryna endi.
Atalǵan is-sharaǵa respýblıkanyń saıası jáne memlekettik qaıratkerleri - Premer-Mınıstrdiń orynbasary Eraly Toǵjanov, Densaýlyq saqtaý mınıstrliginiń, vedimistik baǵynysty mekemelerdiń basshylary jáne densaýlyq saqtaý salasyndaǵy eńbek sińirgen qaıratkerler qatysty, dep habarlaıdy Almaty-akshamy.kz COVID-19 taralýyna jol bermeý jónindegi VAK-tyń telegram kanalyna silteme jasap.
E.Toǵjanov quttyqtaý sózinde ult densaýlyǵyn nyǵaıtý eldiń mańyzdy basymdyǵy bolyp tabylatynyn aıtty. Memleket basshysynyń tapsyrmasy boıynsha medısına qyzmetkerlerin áleýmettik qoldaý boıynsha sharalar kesheni iske asyrylýda. Dárigerlerdiń jalaqysy kóterilýde. Memlekettik saıasatty iske asyrýdyń basty nátıjesi - halyqqa medısınalyq kómektiń sapasy men qoljetimdiligin jaqsartý boldy.
Táýelsizdik jyldarynda respýblıkada 1,5 myń densaýlyq saqtaý nysany salyndy. Ulttyq ǵylymı kardıohırýrgıa ortalyǵy álemniń eń úzdik 22 klınıkalarynyń qataryna endi, Ulttyq neırohırýrgıa ortalyǵy Orta Azıadaǵy kóshbasshy ortalyqtardyń biri bolyp tabylady. Respýblıkanyń barlyq jetekshi stasıonarlary kúrdeli operasıalardy júrgizýge múmkindik beretin qazirgi zamanǵy jabdyqtarmen jaraqtalǵan.
Vıse-premer Densaýlyq saqtaý salasyn damytýda basty nazar alǵashqy medısınalyq-sanıtarıalyq kómektiń qoljetimdiligi men sapasyna aýdarylatynyn atap ótti. Búginde elimizde 7 myń ambýlatorıalyq-emhanalyq uıym jumys jasaıdy. Tek osy jyldyń ózinde 63 otbasylyq ambýlatorıa salynyp, paıdalanýǵa berildi. 2026 jylǵa deıin taǵy 500 AMSK nysanyn ashý josparlanǵan.
Densaýlyq saqtaý salasynyń damýy men qyzmeti týraly mınıstr Alekseı Soı, vıse-mınıstrler Erlan Qıasov, Ajar Ǵınıat, «Astana medısına ýnıversıteti» KEAQ rektory Kamaljan Nadyrov baıandama jasady.
Eraly Toǵjanov dárigerlerge koronavırýs ınfeksıasyna qarsy kúrestegi eren eńbegi úshin alǵys aıtyp, álemdik pandemıa eldi óz vaksınalarymen, dári-dármektermen jáne medısınalyq jabdyqtarmen qamtamasyz etýdiń mańyzdylyǵyn kórsetkenin atap ótti.
Premer-Mınıstrdiń orynbasary konferensıaǵa qatysýshylar men barsha qazaqstandyqtardy Táýelsizdiktiń 30 jyldyǵymen quttyqtap, laıyqty marapattardy tabys etti, jumysta abyroı men myqty densaýlyq tiledi.