67 ofıser men serjant oqýǵa kiristi.
Almaty qalasyndaǵy Qorǵanys mınıstrliginiń Bitimgerlik daıyndyq ortalyǵynda tildik daıyndyq kýrsy qarqyndy ótkizilýde. Qazaqstan Qarýly Kúshteriniń 67 ofıseri men serjanttary oqýǵa kiristi, dep habarlaıdy Almaty-akshamy.kz.
«Alty aı ishinde tyńdaýshylar ulttyq bitimgershilik kontıngenti quramynda, sondaı-aq BUU shtabtyq ofıserleri men áskerı baıqaýshylary retinde mindetterdi jaqsy atqarý úshin qajetti deńgeıde aǵylshyn tilin úırenýi tıis», - delingen Qorǵanys mınıstrliginiń baspasóz qyzmetiniń habarlamasynda.
Kýrstyń oqý baǵdarlamasy AQSH áskerı til ınstıtýtynyń ádistemesine súıenip daıyndalǵan. Bul rette stýdentterdiń sóıleý daǵdylaryn jáne aýyzsha sóıleýin qalyptastyrýǵa, oqý men jazý mashyqtaryn damytýǵa negizgi kúsh-jiger jumsalady.
«Kýrsty jaqsy meńgerýge ortalyqta barlyq qajetti jaǵdaılar jasalǵan. Sonymen qatar oqý úrdisine tyńdaýshylardyń ózderin belsendi túrde tartý jáne óz betinshe daıyndyq mańyzdy», – dedi Bitimgerlik daıyndyq ortalyǵynyń bastyǵy, polkovnık Baýyrjan Nyǵmetýllın.
Áskerı qyzmetshiler kýrsqa qabyldaný úshin testileýden ótken soń, daıyndyq deńgeıine qaraı toptarǵa bólinedi. Ortalyqtyń oqytýshylary tildiń bastapqy deńgeıin meńgergen áskerı qyzmetshilerge arnaıy kirispe kýrsyn ázirledi.