Árbir áskerı korabldi joryqqa daıyndaýdyń ózindik erekshelikteri bar.
Teńizge shyǵýdy kózdeıtin qazaqstandyq áskerıler arnaıy jattyǵýǵa qatysyp jatyr, dep habarlaıdy Almaty-akshamy.kz.
«Áskerı-Teńiz Kúshteri korablderiniń, katerleri men kemeleriniń ekıpajdary ornalasqan pýnkterinde korabldik oqý-jattyǵýlardy ótkizýge kiristi. Arnaıy K-1 kýrstyq tapsyrmasy kemeni júzýge daıyndaýdy, bazanyń jaǵdaıynda jaýyngerlik jáne kúndelikti uıymdastyrýdy pysyqtaýdy qamtıdy. Ol sátti oryndalǵan soń teńizge shyǵýǵa ruqsat beriledi», - delingen Qorǵanys mınıstrligi baspasóz qyzmetiniń habarlamasynda.
Korablderdiń ekıpajdary jaýyngerlik mindetterdi oryndaýdan daǵdylaryn jetildirip, onyń ómirsheńdigi úshin kúresýden, sondaı-aq radıasıalyq, hımıalyq jáne bıologıalyq qorǵanýdan normatıvterdi pysyqtaıdy. Dıversıaǵa qarsy jáne áýe shabýylyna qarsy qorǵanys sharalaryna da erekshe kóńil bólinedi.
«Áskerı-teńiz kúshterinde kýrstyq tapsyrmany oryndaý – korablderdi jáne qosymsha kemelerdi daıyndaý baǵdarlamasynyń mańyzdy kezeńi. Ekıpajdarmen sabaqtar udaıy túrde ótkiziledi, sebebi árbir áskerı korabldi joryqqa daıyndaýdyń ózindik erekshelikteri bar», – dep túsindirdi «Qazaqstan» zymyran-artıllerıalyq korabliniń komandıri 3-dárejeli kapıtan Rýslan Iahárov.
Ekıpajdar daıarlyqtyń kelesi kezeńinde Kaspıı teńiziniń qazaqstandyq sektorynda oqý-jaýyngerlik mindetterdi oryndaıdy.