15 qyrkúıekte Qazaqstanda Mádenıet jáne aqparat mınıstrligi men Ulttyq kınony qoldaý memlekettik ortalyǵy birlesip uıymdastyrǵan aýqymdy respýblıkalyq «JARQYRA» kastıngi ótti, - dep habarlaıdy Aqshamnews.kz.
Kastıng 11:00-den 19:00-ge deıin elimizdiń 19 qalasynda jetekshi mádenıet mekemeleriniń alańdarynda qatar ótti. Oǵan 18 jastan asqan myńnan astam talantty úmitker qatysty. Kastıngke oblys ortalyqtarynyń turǵyndarymen qatar, aýyl-aýdan azamattary da keldi. Bul - jobaǵa degen zor qyzyǵýshylyqty jáne qazaqstandyqtardyń kınematografıa salasynda ózin-ózi júzege asyrýǵa degen yntasyn aıqyn kórsetti.
«JARQYRA» jobasy – ulttyq kınony damytýǵa baǵyttalǵan mańyzdy qadam. Ol jańa esimderdi izdep tabýǵa, eldiń bolashaq akterler býynyn qalyptastyrýǵa jol ashady. Jobanyń júzege asýy Memleket basshysynyń mádenı saıasatty jańǵyrtý jónindegi tapsyrmalary aıasynda júrgizilip otyrǵan júıeli jumystardyń jáne Mádenıet jáne aqparat mınıstri AıdaBalaevanyń qoldaýynyń arqasynda múmkin boldy.
Úmitkerler de óz áserlerimen bólisti. Taldyqorǵannan kelgen qatysýshynyń aıtýynsha, bul kastıng ol úshin kópten kútken erekshe oqıǵaǵa boldy: «Men kópten beri kınoda ózimdi synap kórgim keletin. Kastıng jaıly estigen sátte-aq qatysýǵa bel býdym. Endi óz qalamyzda dál osyndaı biregeı múmkindikterdiń bar ekeni qatty qýantady».
Shymkent qalasynyń turǵyny da kastıngtiń joǵary deńgeıde uıymdastyrylǵanyn atap ótip, is-sharanyń jyly ári dostyq atmosferasyn erekshe baǵalady. Onyń aıtýynsha, kastıngke qatysý – bolashaqta qajet bolatyn qundy tájirıbe.
İrikteý nátıjesinde úmitkerlerdiń anketalary men beınematerıaldary www.kazakhcinema.kzresmı saıtyndaǵy akterlerdiń onlaın-bazasy bólimine ornalastyrylady. Bul baza prodúserler men kınokompanıalar úshin jańa júzderdi bolashaq fılmderge tabýǵa yńǵaıly ashyq platformaǵa aınalady.
Kıno ortalyǵynyń basqarma tóraǵasy Qurmanbek Jumaǵalı: ««JARQYRA» kastıngi – jaı ǵana irikteý emes. Bul – daryndy jastarǵa úlken kınoǵa alǵashqy qadam jasaýǵa berilgen naqty múmkindik. Búgin biz aımaqtarda shyǵarmashylyq áleýeti zor kóptegen jastar bar ekenine kóz jetkizdik. Olardyń joly dál osy jerden bastalýy múmkin. Bir kezderi Samal Eslámova, Gýzel Jan nemese Marat Ábishevtiń osylaı bastalǵan. Mundaı oqıǵalar jańa býynǵa shabyt berip, úlgi bola alady» dep atap ótti.
Aıta keteıik, Mádenıet jáne aqparat mınıstrligi men Ulttyq kınony qoldaý memlekettik ortalyǵynyń qoldaýymen búginde 118 fılmniń óndirisi aıaqtaldy. Onyń ishinde 34 debúttik joba bar. Kóptegen kartınalar qazaqstandyq kórermenniń yqylasyna bólenip qana qoımaı, elimizden tys jerlerde de kınosynshylardyń joǵary baǵasyna ıe boldy.