Bul úrdis memlekettiń demografıalyq jaǵdaıyna oń áser etedi.
Elge oralǵan qandastar endi jańa oblystarǵa qonystanýy múmkin. Eńbek jáne halyqty áleýmettik qorǵaý mınıstrligi qandastardy Abaı jáne Ulytaý oblystaryna qonystandyrý boıynsha qaýlyny ashyq talqyǵa shyǵary, dep habarlaıdy Almaty-akshamy.kz QazAqparatqa silteme jasap.
«Qaýlynyń maqsaty – qandastar men qonys aýdarýshylardy qonystandyratyn óńirler qataryna jańa qurylǵan Abaı jáne Ulytaý oblystaryn qosý. Qujat qabyldansa, bul úrdis memlekettiń demografıalyq jaǵdaıyna oń áser etedi», - delingen qujatta.
Jaýapty mınıstrliktiń málimetine sáıkes, búginde otanǵa oralǵan qandastar elimizdiń 7 oblysyna qonystanady. Al usynylyp otyrǵan qaýlyda bul tizimnen Atyraý oblysy alynyp tastalady. Onyń ornyna eki jańa oblys qosylyp, jalpy sany 8 óńir qandastardy qabyldaıdy.