Mınıstrdiń pikirinshe, Qazaqstandaǵy senzýra men sóz bostandyǵyna baılanysty jaǵdaı ýshyǵyp turǵan joq.
Aqparat jáne qoǵamdyq damý mınıstri Asqar Omarov Qazaqstandaǵy sóz bostandyǵyn bes baldyq meje boıynsha 4,9 balǵa baǵalady, dep habarlaıdy Almaty-akshamy.kz.
«Men 5 degen baǵa berer edim, biraq sizder senbeısizder ǵoı. Sol sebepti 4,9», - dedi Omarov.
Onyń aıtýynsha, jýrnalıser spıkerlerge qalaǵan suraqtaryn emin-erkin qoıa alady.
«Mine, dál qazir siz myna jerde turyp, menen surap jatyrsyz. Eger sóz bostandyǵy bolmasa, siz maǵan suraq qoıa almaıtyn edińiz», - dedi vedomstvo basshysy.
Omarov mınıstr qyzmetine taǵaıyndalǵaly birde-bir redaksıaǵa materıaldy alyp tastaý nemese taqyrybyn ózgertý týraly ótinishpen telefon shalmaǵanyn aıtty.