Bıyl zań buzǵan 3200 reseılik elden shyǵarylǵan.
İshki ister mınıstrligi Kóshi-qon qyzmeti Qazaqstanǵa kelip jatqan reseılikter sanynyń artýyna baılanysty túsinik berdi, dep habarlaıdy Almaty-akshamy.kz Polisia.kz-ke silteme jasap.
Kóshi-qon qyzmeti komıteti tóraǵasy mindetin atqarýshy Aslan Atalyqov búginde jaǵdaı baqylaýda ekenin atap ótti.
«Qazaqstanda mıgranttardyń kelýi men bolýy kóshi-qon baqylaýynda. Sheteldikterdiń Qazaqstanda bolý tártibi zańmen retteledi. Birde-bir shetel azamaty kóshi-qon zańnamasynyń talaptaryn oryndamaı, memleketimizde bolýǵa quqyǵy joq», - dedi ol.
Onyń aıtýynsha, EAEO-ǵa múshe memleketterdiń azamattary úshin Qazaqstanda bolýdyń ruqsat etilgen merzimi memlekettik shekaradan ótken kúnnen bastap, 90 kúnnen keıin aıaqtalady.
«Mıgranttardy tirkeýdi İshki ister organdary qabyldaýshy taraptardyń málimetteri men QR Ulttyq qaýipsizdik komıtetiniń sheteldikterdiń kirýi men shyǵýyn esepke alatyn memlekettik shekara arqyly ótkizý pýnktterinen biryńǵaı derekqorǵa ýaqtyly túsetin málimetter negizinde júzege asyrady», - dedi Aslan Atalyqov.
Bıyl Qazaqstanǵa jalpy 4,3 mln-ǵa jýyq sheteldik kelip, 4,1 mln-y elden shyqqan. Onyń ishinde kelgen reseılikter sany – 1,6 mln adam, ketkenden sany – 1 mln 640 myń adam.
«Olardyń elde ýaqytsha bolýy baqylaýda. Árqaısysynyń tólqujat derekteri men kirý kúnderi men jalpy olar týraly tolyq aqparat bar. Kóshi-qon prosesterine monıtorıń júrgizilip jatyr. İshki ister organdary kelýshilerdiń belgilengen bolý erejeleriniń saqtalýyn baqylaýda. Sheteldiktiń elde bolý merzimi aıaqtalsa, oǵan qatysty zańda kózdelgen sharalar qoldanylady», - dedi Kóshi-qon qyzmeti komıteti tóraǵasy mindetin atqarýshy.
Baqylaý barysynda kóshi-qon zańnamasyn buzǵan 45 myń 700 adam ákimshilik jaýapkershilikke tartylyp, onyń 4200-i májbúrli túrde Qazaqstannan shyǵaryldy.
Onyń ishinde kóshi-qon zańnamasyn buzǵan 3200 reseılik jaýapqa tartylǵan. Bul elge kelgen Reseı azamattarynyń tek 0,2%-y. Bul statısıka olardyń Qazaqstanda bolý sharttaryn saqtaý tártibin kórsetedi. Eger ony buzǵan jaǵdaıda Qazaqstannan májbúrlep shyǵarý 5 jylǵa elimizge qaıta kirýge tyıym salynady.
Ýaqytsha turýǵa ruqsat sheteldikke Qazaqstanda zańda kózdelgen eńbek sharty, oqý, emdelý jáne basqa da jan-jaqty negizderde bolý quqyǵy beriledi. Kóshi-qon qyzmeti olardyń turǵylyqty mekenjaıy, turǵyn úıdiń ıesi jáne onda turatyn sheteldikter týraly tolyq aqparat boıynsha ımıgrasıalyq baqylaýdy qamtamasyz etedi, - dedi basshy.
Ol shekarany zańsyz ótýge, el aýmaǵynda tirkeý úshin qujattardy resimdeý tártibin buzýǵa baılanysty kez kelgen jaǵdaı Qazaqstan zańnamasyna sáıke retteletinin atap ótti.
«Qazaqstannyń Kóshi-qon qyzmeti shtattyq rejımde jumys istep jatyr. Sheteldikterdiń, ýákiletti memlekettik jáne quqyq qorǵaý organdarynyń zańdy saqtaýy baqylaýda», - dedi Aslan Atalyqov.