Eńbek jáne halyqty áleýmettik qorǵaý mınıstrligi qazaqstandyqtar ómir súrý nemese jumys isteý úshin qaı elderge jıi ketetinin aıtty, - dep habarlaıdy aqshamnews.kz
Kóshi-qon komıtetiniń tóraǵasy Aset Shonovtyń aıtýynsha, keıingi eki jylda Qazaqstanda kóshi-qon saldosy oń kórsetkishti kórsetip otyr.
"2025 jyldyń II toqsanynyń qorytyndysy boıynsha kóshi-qon saldosy +7,7 myń adam boldy. Elge 11,3 myń adam kelse, 3,5 myń adam elden ketken. Kóshi-qon ósimi negizinen elder bólinisinde TMD elderi men Qytaıǵa tıesili. Sonymen qatar, jahandaný úderisiniń áserinen bilikti kadrlardyń ketýi úrdisi áli de saqtalyp otyr. Qazaqstan azamattarynyń ketýiniń negizgi baǵyttary: Reseı – 8,7 myń adam, Germanıa – 2 myń adam", – dedi ol.
Komıtet tóraǵasy syrtqy kóshi-qon aǵyndarynyń oń serpinge ıe ekenin aıtty.
"2023 jyldan bastap shetelge jumys isteý maqsatynda ketetin Qazaqstan azamattarynyń sanynyń tómendegeni baıqalady", – dedi Aset Shonov.
2025 jylǵy birinshi jartyjyldyqtyń qorytyndysy boıynsha, shetelde eńbek qyzmetin júzege asyryp júrgen Qazaqstan Respýblıkasynyń azamattary – 126 531 adam.
Qazaqstan azamattarynyń basym bóligi myna elderde eńbek etip jatyr:
Reseı Federasıasynda – 102 460 adam,
Koreıa Respýblıkasynda – 15 790 adam,
BAÁ – 2 997 adam,
Ulybrıtanıada – 1 912 adam.