Qoǵamdyq saıasat ınstıtýty 4-5 qyrkúıek kúnderi AES qurylysy boıynsha aldaǵy referendým týraly qazaqstandyqtardyń pikirin bilý úshin saýalnama júrgizdi, dep habarlaıdy aqshamnews.kz.
Nátıjeleri qandaı?
Saýalnama kórsetkendeı, respondentterdiń 74,6%-y referendýmnan habardar, al 25,4%-y bul týraly tek saýalnama barysynda ǵana bilgen. Ne degenmen, kesh bolsa da, habardar bolý jaqsy ǵoı, solaı emes pe?
«Daýys beresiz be?» degen suraqqa 45,5%-y «ıá» dep naqty jaýap berse, taǵy 12,3%-y «múmkin, baramyn» degen ýájdi alǵa tartqan. Iaǵnı, 57,8%-y 6 qazanda óz tańdaýyn jasaýǵa daıyn.
Al AES qurylysy boıynsha pikir qandaı? Bul jerde AES-ke qatysty kózqarastar ekige bólindi: 59,3%-y bul ıdeıany qoldasa, 28,3%-y qarsy, al 12,4%-y áli oılaný ústinde eken.
Degenmen, bári belsendi emes: respondentterdiń 9,7%-y «múmkin barmaımyn» dese, 18,7%-y referendýmǵa múldem qatyspaıtynyn aıttqan.
Saýalnama barlyq talaptarǵa sáıkes júrgizilip, elimizdiń ártúrli óńirinen 2000 adamnyń pikiri eskerildi. Sondyqtan bizde qazaqstandyqtardyń mańyzdy daýys berý qarsańyndaǵy kóńil-kúıleri týraly naqty túsinik bar.