Qazaqstandyq Aleksandr Nedovesov juptyq synda Bratıslava qalasynda (Slovakıa) ótken Peugeot Slovak Open chellendjer týrnıriniń jeńimpazy atandy, dep habarlaıdy Almaty-akshamy.kz Inform.kz-ke silteme jasap.
Qazaqstan tenıs federasıasynan málim etkendeı, qazaqstandyq tenısshi ýkraınalyq Denıs Molchanovpen birge júlde qory 68 myńdaı eýroǵa baǵalanǵan jarysta úzdik shyqty.
Dodanyń úshinshi raketkasy bolyp tirkelgen qazaqstandyq-ýkraınalyq jup fınalda chehıalyqtar Petr Noza - Andreı Polsondy 4:6, 6:4, 10:6 esebimen tize búktirdi.
Osylaısha A.Nedovesov óziniń sport jolynda chellendjer týrnırlerinde 25-tıtýlyna qol jetkizdi.
Sonyń úsheýin jekeleı, 22-sin juptyq synda jeńip aldy.
Ótken jyl Nedovesov úshin asa tabysty boldy, ol jeti ret chempıon atandy. Bul - onyń jeke rekordy.
Sýret: Inform.kz