Aleksandr Nedovesov bıylǵy maýsymda jetinshi tıtýlǵa qol jetkizdi
Qazaqstandyq Aleksandr Nedovesov juptyq synda Kıev chellendjer týrnıriniń jeńimpazy atandy, dep habarlaıdy Almaty-akshamy.kz Ulttyq Olımpıada komıtetine silteme jasap.
Qazaqstandyq tenısshi brazılıalyq Orlando Lýjben birge fınalda ýkraınalyqtar Denıs Molchanov - Sergeı Stahovskıımen saıysty. Qazaqstandyq-brazılıalyq jup 6:4, 6:4 esebimen jeńiske jetti. Olar bir saǵattan astam ýaqytqa sozylǵan machta 3 eıs jasap, 11 breık-poınttyń úsheýin paıdalana bildi. Qarsylastary 1 eıs, 1 breıkpen (9 breık-poınt) shekteldi. Osylaısha A.Nedovesov juptyq synda óz sporttyq jolyndaǵy 22-inshi, bıylǵy maýsymdaǵy jetinshi tıtýlyna qol jetkizdi.