Tumaý men koronavırýsqa qarsy vaksınany birge alýǵa bola ma? Bul saýalǵa onlaın brıfıń barysynda S. Asfendıarov atyndaǵy QazUMÝ-niń medısınalyq-sanıtarlyq alǵashqy kómek bóliminiń meńgerýshisi, PhD fılosofıa doktory Dınara Mahanbetqulova jaýap berdi, dep habarlaıdy almaty-akshamy.kz QazAqparat tilshisine silteme jasap.
«Árıne, tumaýǵa qarsy vaksına men koronavırýsqa qarsy vaksınany qatar alýǵa bolady. Biraq tumaýǵa qarsy ekpeni naýqas koronavırýsqa qarsy vaksınanyń eki dozasyn saldyrǵannan keıin alý kerek. Tumaýǵa qarsy vaksınany bir aıdan keıin saldyrýǵa bolady», – dedi Dınara Mahanbetqulova.
Buǵan deıin, Almaty qalasynyń bas sanıtarlyq dárigeri Jandarbek Bekshın qala turǵyndaryna aralas ınfeksıa qaýpi týraly eskertken bolatyn.
Onyń aıtýynsha, eger adam koronavırýsqa qarsy ekpe alǵan bolsa, eki apta aralyqty saqtaýy tıis, keıin ekinshi vaksınany alýǵa bolady. Aldymen tumaýǵa qarsy vaksınany saldyrǵan bolsa, onda 2-4 aptadan keıin koronavırýsqa qarsy vaksınany alady.
Eske salaıyq, Qazaqstanda tumaýǵa qarsy vaksına saldyrý 15 qyrkúıekten bastalady.