Bıyl polısıa qyzmetkerleri esirtki saýdalaıtyn 810 ınternet portaldyń jumysyn toqtatty. Bul týraly İshki ister mınıstrliginiń basqarma bastyǵy Baqytjan Ámirhanov málimdedi, dep habarlaıdy almaty-akshamy.kz
Onyń aıtýynsha, mundaı saıttar esirtki satýdy áldeqaıda jeńildetti. Sońǵy bir jylda tekserister nátıjesinde 12 tonnadan astam esirtki zattary tárkilendi. Olardyń basym bóligi marıhýana, geroın men sıntetıkalyq zattar. 11 esirtki zerthanasy jabyldy. Tártip saqshylary esirtki zattarynyń zańdy aınalymyn da tekserdi. Máselen, dárihanalarda mundaı zattardy reseptsiz satyp jatqandar da az bolmaı shyqty. Barlyǵy 18 qylmystyq buzýshylyq anyqtalǵan.
Baqytjan Ámirhanov, QR İİM esirtki qylmysyna qarsy is-qımyl departamentiniń basqarma bastyǵy: – Baqylaýǵa alynǵan zattar aınalymynda 93 ákimshilik quqyq buzýshylyq deregi anyqtaldy. Olardyń 28-i tehnıkalyq talaptarǵa baılanysty, qalǵany lısenzıa normalaryn buzǵan. Esirtki preparattary 57 ret resepsiz satylǵan. Barlyǵy 343 ampýla, 1000 dári jáne 1200 psıhotropty zat tárkiledik.