Qazaqstan Sýretshiler odaǵynyń múshesi Jeńis Nurlybaev - pandemıa taqyrybynda salynǵan 300 kartınanyń avtory.
Elordada «Pandemıa. Shekteý. Samǵaý...» taqyrybynda qazaqstandyq tanymal sýretshi Jeńis Nurlybaevtyń kórmesi ótti, dep habarlaıdy Almaty-akshamy.kz№
Ónersúıer qaýymnyń nazaryna oqshaýlaý kezinde salynǵan týyndylary usynyldy. Sýretshi adamnyń emosıonaldy-psıhologıalyq jaǵdaıyn tordan shyǵyp, qanatyn keńinen jaıyp ushyp baratyn qus retinde kórsetti. Sheber sońǵy jarty jylda 300-ge jýyq kartına salǵan, alaıda kórmede onyń tek 60-y ǵana tanystyryldy. Avtor óz shyǵarmalaryn ártúrli ádistermen salǵan. Onyń ishinde akvarel, akrıl, sharly qalam, kompúterlik grafıkany paıdalanǵan.
Aıta keteıik, Jeńis Nurlybaev – Qazaqstan Sýretshiler odaǵynyń múshesi, Prezıdent syılyǵynyń laýreaty, sondaı-aq otandyq jáne álemdik sýretshiler týraly «Aq zer» kitabynyń avtory.
«Úıde qamalyp otyrǵan kezde myna tordyń ishinde otyrǵan beınesi bar kartına dúnıege keldi. Shyǵa almaımyz ne kire almaımyz degendeı... Esik, tereze ashyq bolsa da, shyǵa almaımyz. Óner ıesin qansha jerden shektese de, onyń ishindegi shyǵarmashylyq úrdistiń toqtamaı júrip jatatyndyǵyn, ushatyndyǵyn jetkizgim keldi. Eger suranys bolatyn bolsa, basqa galereıalarda da kórsetý, shetelge shyǵarý oıda bar», - deıdi sýretshi Jeńis Nurlybaev