Bul týraly QR İshki ister mınıstrliginiń ókili Shuǵyla Turlybek brıfıń barysynda aıtty, dep habarlaıdy Almaty-akshamy.kz
«Jedel izdestirý is-sharalary barysynda QR İİM Interpol Ulttyq ortalyq búrosynyń qyzmetkerleri sheteldik áriptesterimen birlesip ótken aptada shetel memleketteriniń aýmaǵynda halyqaralyq izdeýde júrgen birqatar qylmyskerlerdi ustady. Máselen, Germanıanyń Ýntershleısqaım qalasynda astanalyq polısıa departamenti Telegram arqyly psıhotroptyq zattardy satqany úshin izdeýde júrgen 22 jastaǵy qazaqstandyqty ustady. Reseıdiń Vladıvostok qalasynda Shymkentte iri kólemde alaıaqtyq jasaǵany úshin izdeýde júrgen 36 jastaǵy elimizdiń azamaty ustaldy», - dedi mınıstrlik ókili.
Sondaı-aq, onyń aıtýynsha, Ispanıada «Questra Holdings, Questra World, Atlantic Global Asset» JSHS qarjylyq pıramıdasyn quryp, ony basqarǵan Reseı Federasıasynyń 35 jastaǵy azamaty ustaldy. Chehıa astanasy Pragada asa iri kólemde alaıaqtyq jasaǵan «AZIA AVTO – BIPEK AVTO» kompanıalar tobynyń jetekshileriniń biri ustaldy.
Qazirgi ýaqytta barlyq aıyptalýshylar qamaýda, olardy Qazaqstanǵa ekstradısıalaý máselesi sheshilýde.