Olar alapat zilzaladan soń Túrkıada 10 kún boıy izdeý-qutqarý sharalaryn júrgizdi.
Aldymen Nurdaǵy qalasyndaǵy 35 qutqarýshy ózderine tapsyrylǵan ýchaskede barlyq jumystardy bitirdi, dep habarlaıdy Almaty-akshamy.kz.
Úsh adamdy úıindiler astynan alyp shyqty. Odan keıin Gazıantep qalasyndaǵy qutqarýshy top ta jumysyn aıaqtap, tehnıkalary men qural-saımandaryn jıystyrdy. On kún ishinde bizdiń qutqarýshylar 8 adamdy úıindi astynan alyp shyqty. Gazıantep qalasynda qurylǵan jyljymaly aýrýhana da jınaldy. Dárigerlerimiz osy kúnderi 140 jergilikti turǵynǵa medısınalyq kómek kórsetti. Onyń on jetisi - bala. Erteń qutqarýshylarymyzdyń alǵashqy legi elge orala bastaıdy.
«Berilgen tapsyrmalardy oryndap, jumystardy aıaqtap jatyrmyz. Qolymyzdan kelgenshe kúshimizdiń bárin saldyq. Kún-tún demeı kezekshilikke bólinip, qutqarýshylarymyz jumys istep jatyr. Óte qaýipti jumys ekenin ózderińiz kórip tursyzdar. Basqa memleketterdiń, osy Túrik eliniń qutqarýshylarynyń da jaraqat alǵanyn kórip jatyrsyzdar. Tártiptiń arqasynda osy jumysty aman-esen aıaqtap jatyrmyz», - dedi QR Tótenshe jaǵdaılar mınıstriniń birinshi orynbasary Ibrahım Kúlshimbaev.