Almaty qalasynda patrúldik polısıasynyń jeke quramy nusqaýlyqtan ótti.
İshki ister mınıstri Marat Ahmetjanovtyń tapsyrmasy boıynsha onyń orynbasarlary Almaty jáne Astana qalalarynyń patrúldik polısıasynyń jeke quramyna nusqaýlyq ótkizdi, - dep habarlaıdy Almaty-akshamy.kz tilshisi Polisia.kz basylymyna silteme jasap.
Marat Qojaev pen Igor Lepeha elimizdiń eki qalasynda qoǵamdyq tártipti jáne halyqtyń qaýipsizdigin qorǵaýdy qamtamasyz etetin qyzmetkerlerdiń daıyndyǵyn tekserdi. Olar qoǵamnyń suranystaryna den qoıyp, qıyn jaǵdaıǵa tap bolǵan azamattarǵa ýaqtyly kómek kórsetýge, sondaı-aq, kórkem minez ben etıkalyq normalardy saqtaýǵa baǵyttalǵan polısıanyń servıstik modeli aıasyndaǵy jumysty eske saldy. Sondaı-aq polıseılerdiń zańdylyq pen tártipti saqtaýyna basa nazar aýdaryldy.
İİM Qazaqstan Respýblıkasynyń 2022-2026 jyldarǵa arnalǵan sybaılas jemqorlyqqa qarsy saıasatynyń tujyrymdamasyn iske asyrý sheńberinde polısıa qyzmetkerlerin adaldyqqa tekserý tetigin engizý máselesin pysyqtap jatyr (Integrity Shesk).
Pılottyq jobany patrúldik polısıada synaqtan ótkizý josparlanyp otyr. Sebebi dál osy qyzmettiń qyzmetkerleri kún saıyn halyqpen ózara is-qımyl jasaıdy. Tekserýdi ár túrli jaǵdaılardy modeldeý arqyly ózindik qaýipsizdik bólimsheleri júrgizetin bolady.
Negizgi maqsat - quqyq buzýshylyqtardyń aldyn alý jáne polısıa qyzmetkerlerinde sybaılas jemqorlyqqa qarsy ımýnıtet qalyptastyrý.