7–9 qarasha aralyǵynda Reseı Federasıasynyń Rázan qalasynda qoıan-qoltyq urystan Álem chempıonaty ótti.
Álemdik deńgeıde uıymdastyrylǵan bul baıraqty básekede 22 elden kelgen 154 sportshy ózara synǵa tústi, - dep habarlaıdy Aqshamnews.kz.
Atalǵan chempıonatqa Atyraý oblysy polısıa departamentiniń qyzmetkerleri de qatysyp, joǵary sheberlik pen tabandylyqtyń úlgisin kórsetti. Nátıjesinde, olar el namysyn abyroımen qorǵap, júldeli oryndarǵa ıe boldy.
Atap aıtqanda, 73 keli salmaq dárejesinde polısıa kapıtany Qýandyq Beknazarov qarsylastarynyń barlyǵyn aıqyn basymdyqpen jeńip, Álem chempıony atandy. Sondaı-aq 97 keli salmaqta polısıa kapıtany Eldar Muhıtov kúmis medal jeńip alsa, 67 keli salmaqta polısıa aǵa leıtenanty Eldar Otaraly úzdik úshtikten kórinip, qola júldeger atandy.