Qazaqstandyq jas tenısshiler halyqaralyq jarystardyń chempıony atandy, dep habarlaıdy Almaty-akshamy.kz Inform.kz-ke silteme jasap.
Qazaqstan tenıs federasıasynan málim etkenindeı, Dýshanbe qalasynda 18 jasqa deıingiler arasynda ótken ITF Juniors týrnırinde Vıtalıı Zasepın absolútti jeńimpaz boldy.
Qaraǵandylyq tenısshi jekeleı synda fınalda reseılik Maksım Goncharovty oısyrata utty - 6:2, 6:1. Al juptyq synda sıngapýrlyq Maksımýs Vongpen birge fınalda reseılikter Mırat Amınev - Karım Gazızovty tize búktirdi - 6:2, 6:1.
Ońtústik Afrıka Respýblıkasynda sýper sanat boıynsha ITF jarysynda qazaqstandyq jasóspirimder tabysty óner kórsetti. Janel Rústemova juptyq synda fransıalyq Iaroslava Bartashevıchpen birge fınalda belgıalyq Sofá Kostýlas - majarstandyq Lýcha Ýdvardıge jol berdi - 0:6, 3:6. Jekeleı synda úsh qazaqstandyq shırek fınalǵa deıin jetti. Arýjan Saǵyndyqova tórt saǵatqa sozylǵan machta jasóspirimder arasynda álemniń 3-raketkasy, belgıalyq Sofá Kostýlasqa ese jiberdi - 7:5, 4:6, 4:6. Keıin Kostýlas osy jarysta úzdik shyqty. Sandýǵash Kenjebaeva da álemniń 14-raketkasy, fransıalyq Iaroslava Bartashevıchke qatty qarsylyq kórsetti - 2:6, 6:4, 5:7. Maksım Batútenko jaraqatyna baılanysty shırek fınaldyq básekesin aıaqtaı almady.
Chernogorıada 12 jasqa deıingiler arasynda ekinshi sanattaǵy Tennis Europe dodasynda Lınara Bólesheva juptyq synda chempıon atandy. Ol rýmynıalyq Aleksıa Brabatemen birge fınalda otandastary Sofá Kırova - Alısa Korolevany jeńdi - 6:4, 6:3. Jekeleı synda Lınara fınalda reseılik Eva Kalıdınadan aılasyn asyra almady - 5:7, 2:6. Uldar arasynda Jantóre Sanjaruly jekeleı synda fınalǵa deıin jetti. Juptyq synda otandasy Aleksandr Sofrygınmen birge fınalda Vladıslav Chıbýraev - Sen-Hvan Kımdi qapy qaldyrdy - 6:1, 6:3.
Erevanda 14 jasqa deıingiler arasynda úshinshi sanattaǵy dodada qazaqstandyqtar Iaroslav Pshenıchnyı men Oljas Esenaly fınalda reseılikter Ivan Molgın - Mıhaıl Volkovıchti utty - 6:1, 6:3. Ia.Pshenıchnyı jekeleı synda sońǵy básekede reseılik Matveı Rybınge jol berdi - 1:6, 5:7.
Germanıanyń Rýtesqaım qalasynda Sofá Isakova ekinshi sanattaǵy jarysta fınalda ǵana týrnırdiń birinshi raketkasy, chehıalyq Lýchıa Slamenıkovadan utyldy - 3:6, 2:6.