Eýropa elderi Fransıanyń ońtústik-batysyndaǵy Jıronda departamentindegi órtti sóndirý úshin qosymsha kúsh jiberip jatyr. Bul týraly Almaty-akshamy.kz 24.kz-ke silteme jasap habarlaıdy.
Osy aptadaǵy aptap ystyqta órt kúsheıip, 7,5 myń gektar ormandy sharpydy. Tótenshe jaǵdaı qyzmetiniń mamandary eń bolmasa órttiń jaıylýyn tejesek dep otyr. 1000-nan astam órt sóndirýshi tilsiz jaýdy oqshaýlaý úshin toqtaýsyz jumys istep jatyr. Olarǵa Polsha, Avstrıa, Rýmynıa, Vengrıa jáne Germanıadan taǵy 350 maman jiberildi. TJ mamandarymen qosa, EO elderi oqıǵa ornyna arnaıy tehnıkalardy da joldaǵan.
Onyń ishinde órt sóndiretin ushaqtar da bar. Fransıalyq órt sóndirýshiler ózge elderdiń mamandary kómekke kelmese, jaǵdaı qıyn bolǵaly turǵanyn jetkizdi. Sebebi olar órtpen kúresip jatqan basqa aýmaqtaǵy órt sóndirýshilerdi tarpaq bolǵan kórinedi. Jırondada osy jazda osymen úshinshi ret iri orman órti bolyp jatyr. Tipti eldiń İİM-i bul órtti bireýler qoldan uıymdastyryp otyr ma degen de kúdigi baryn aıtqan. Osy aptanyń ishinde qaýipti aýdandardan 10 myń adam evakýasıalandy.