Astanada «Dáýlet» tenıs ortalyǵynda 18 jasqa deıingiler arasynda besinshi sanattaǵy ITF Juniors týrnıri máresine jetti, dep habarlaıdy Almaty-akshamy.kz Inform.kz-ke silteme jasap.
Qyzdar arasynda qazaqstandyq Ýlána Romanova jekeleı synda úzdik shyqty.
Ý.Romanova fınalda reseılik Ksenıa Krýpenınany 6:3, 4:6, 6:2 esebimen tize búktirdi.
Juptyq synda Ádemi Amankeldi men Satı Áýbákirova reseılikter Krıstına Belkova – K.Krýpenınadan aılasyn asyryp, chempıon atandy – 6:2, 6:3.
Uldardan İlıas Maratuly absolútti jeńimpaz boldy. Ol jekeleı synda komandalasy Kırıll Kolganovtan basym tústi – 6:4, 6:3. Al juptyq synda taǵy bir qazaqstandyq Ilá Vedmedpen birge sońǵy básekede otandastary K.Kolganov – Vıtalıı Zasepındi jeńdi – 1:6, 6:1, 10:2.
Mysyrdyń Sharm-el-SHeıh qalasynda aıaqtalǵan ITF World Tennis Tour W15 jarysynda Arýjan Saǵyndyqova men Janel Rústemova juptyq synda fınalǵa deıin jetti. Olar sheshýshi básekede dodanyń birinshi raketkalary, qytaılyq Taıbeı ókilderi Sýn Cho – Sen Choǵa ǵana ese jiberdi – 1:6, 0:6.