Birinshi jartylaı orta salmaqtaǵy burynǵy álem chempıony Sergeı Lıpınes AQSH-tyń Florıda shtatyndaǵy Showtime boks keshiniń basty oqıǵasynda óner kórsetti, dep habarlaıdy Almaty-akshamy.kz Inform.kz-ke silteme jasap.
Ol birinshi orta salmaqtaǵy WBC Silver tıtýly úshin amerıkalyq Omar Fıgeroamen judyryqtasty.
Bul rette burynǵy álem chempıony Adrıen Broner jekpe-jekten bas tartqannan keıin, Sergeı qysqa merzimde aıqas ótkizýge sheshim qabyldady.
12 raýndqa eseptelgen jekpe-jek belgilengen ýaqytqa sozylmady. Ekinshi raýndta Sergeı qarsylasyn nokdaýnǵa jiberdi, al segizinshi úsh mınýttyq kezeńnen keıin Fıgeroa buryshy jekpe-jekten shyǵyp qaldy.
Osylaısha Sergeı Lıpınes merziminen buryn jeńiske jetti (tehnıkalyq nokaýt).
Lıpınes úshin bul – mansabyndaǵy 17-shi jeńis. Fıgeroa úshinshi ret jeńildi, onyń qorjynynda 28 jeńis (19-y nokaýtpen) jáne bir tepe-teń esep bar.
Aıta keteıik, Sergeı Lıpınes Qazaqstannyń Aqtóbe oblysyndaǵy Mártók kentiniń týmasy, biraq bala kezinen Reseıde turady.
Boxrec.com saıtynda onyń profılinde buǵan deıin Reseı azamattyǵy kórsetilgen, alaıda osy jyldyń naýryz aıynda ol Qazaqstan azamattyǵyna aýysqan.
Rıng-anonser jekpe-jek aldynda Lıpınsti Qazaqstannyń ókili dep jarıalady.