Fýtboldan Premer-lıga komandalary arasyndaǵy el birinshiliginiń 13-týrynyń alǵashqy oıyn kúni aıaqtaldy, dep habarlaıdy Almaty-akshamy.kz Inform.kz-ke silteme jasap.
Alǵashqy oıynda «Shahter» (Qaraǵandy) men «Atyraý» 0:0 esebimen teń tústi.
Taǵy bir kezdesýde Oraldyń «Aqjaıyǵy» óz alańynda Aqtaýdyń «Kaspıı» klýbyn 2:0 esebimen tize búktirdi.
Sondaı-aq, alǵashqy oıyn kúnin «Maqtaral» (Túrkistan oblysy) men «Turan» (Túrkistan) kezdesýi qorytyndylady.
Oıyn barysynda qos komandanyń bir-birine gol soǵatyn múmkindigi az bolǵan joq. Týrnır kestesinde tómengi oryndarda kele jatqan komandalar úshin jeńiske jetý aýadaı qajet bolatyn. Kezdesýdiń 47-mınýtynda «Maqtaral» oıynshysy Ramazan Karımov esep ashty.
Al 94-mınýtta Ǵalymjan Kenjebek esepti ústemeleı tústi.
Osylaısha «Maqtaral» qarsylasynan 2:0 esebimen basym tústi.
Endi 21 tamyzda «Tobyl» (Qostanaı) men «Taraz», «Astana» (Nur-Sultan) men «Qyzyljar» (Petropavl) sheberlik baıqasady.
Sondaı-aq, «Aqtóbe» men «Ordabasy» (Shymkent), «Aqsý» (Pavlodar oblysy) men «Qaırat» (Almaty) jasyl alańǵa shyǵady.
Oıyndar «Qazsport» jáne PFLK-TV arqyly tikeleı efırde kórsetiledi.