Álem chempıondarynyń tiziminde joq.
Tanymal qazaqstandyq boksshy Danıar Eleýsinov (11-0, 6 KO) Halyqaralyq boks uıymynyń (IBO) nusqasy boıynsha jartylaı orta salmaqtaǵy álem chempıony ataǵynan aıyryldy, dep habarlaıdy Almaty-akshamy.kz Sports.kz -ke silteme jasap.
2022 jyldyń 27 jeltoqsanyndaǵy jaǵdaı boıynsha, Eleýsinov IBO saıtyndaǵy álem chempıondarynyń tiziminde joq, buǵan deıin onyń esimi men sýreti tıisti bólimde turǵan. Sonymen qatar bedeldi BoxRec.com portalynda jartylaı orta salmaqtaǵy chempıondyq belbeý bos dep kórsetilgen.
Danıar Eleýsinov sońǵy jekpe-jegin ótken jyldyń 18 jeltoqsanynda Astanada ótkizip, argentınalyq Hýan Ernan Lealdy (15-3, 4 KO) jeńip, IBO chempıony ataǵyn jeńip alǵan bolatyn.
Eske salsaq, buǵan deıin Danıar Eleýsinov jaqyn arada sporttyq mansabyn aıaqtaý máselesine qatysty pikir bildirip, boks ózine onsha unamaıtyndyǵy týraly aıtqan edi.