Kepildik olardyń Ulttyq bank basqaratyn bóligine ǵana qoldanylady.
Qazaqstandyqtarǵa zeınetaqy jınaqtarynyń bir bóligin jeke basqarýǵa berýge ruqsat etiledi, biraq olarǵa memlekettik kepildikter qoldanylmaıdy, dep habarlaıdy Almaty-akshamy.kz LS silteme jasap.
Eńbek jáne halyqty áleýmettik qorǵaý mınıstri Tamara Dúısenova Áleýmettik kodekste qazaqstandyqtardy zeınetaqymen qamsyzdandyrý bóliginde josparlanǵan ózgerister týraly aıtty.
"Salymshylardyń óz aktıvterin basqarý jónindegi quqyqtaryn keńeıtý boıynsha ózgerister engizilýde. Salymshylar jınaqtardyń 50%-dan aspaıtyn bóligin jeke basqarýǵa bere alady. Alaıda zeınetaqy jınaqtarynyń saqtalýyna memlekettik kepildik olardyń Ulttyq bank basqaratyn bóligine ǵana qoldanylady", - dep túsindirdi mınıstr.
Sonymen qatar, Dúısenovanyń aıtýynsha, aǵa urpaq jáne búgingi býyn zeınetkerleri úshin aldaǵy bes jylda bazalyq zeınetaqy ulǵaıady. Sondaı-aq, eńbek zeınetaqysynyń mólsherin esepteý úshin paıdalanylatyn eń joǵary tabys mólsheri 46 (140,8 myń teńge) AEK-ten 55 (168,4 myń teńge) AEK-ke deıin nemese ortasha jalaqynyń 70%-na deıin ulǵaıady.
Bul rette óz jınaqtary esebinen zeınetaqy qalyptastyratyn bolashaq zeınetkerler úshin 2024 jylǵy 1 qańtardan bastap jumys berýshilerdiń qosymsha zeınetaqy jarnalary engiziletin bolady.