Qazaqstandyq balýan Iýsýf Masıev Bolgarıa astanasy Sofıada 20 jasqa deıingiler arasynda álem chempıonatynyń kúmis júldegeri atandy, dep habarlaıdy Almaty-akshamy.kz.
Qazaqstan kúres federasıasynyń saıtynan alynǵan málimetke qaraǵanda, Iýsýf Masıev grek-rım kúresinen 97 kelige deıingi salmaqta fınalǵa deıin erkin jetip, sońǵy beldesýde ırandyq Alı Ramezanalı Abedıdarzımen beldesip, ese jiberdi.
Taǵy bir qazaqstandyq balýan Din-Muhamed Qoshqar 67 kelige deıingi salmaqta qola júldege ıe boldy.
Budan buryn grek-rım kúresinen Maqsat Saılaý 87 kelige deıingi salmaqta úshinshi orynnan kóringen edi. Ol qola júlde úshin básekede ýkraınalyq Mıkıta Alekseevten basym tústi.
Eske sala keteıik, budan buryn qos qazaqstandyq balýannyń jastar arasynda álem chempıonatynyń kúmis júldegeri atanǵanyn jazǵan bolatynbyz.