Qazaqstannyń alty aımaǵynda daýyldy eskertý jarıalandy
22 tamyz kúni túnde Shyǵys Qazaqstan oblysynyń soltústik-shyǵysynda, shyǵysynda jer betinde 2 gradýsqa deıin úsik júredi, dep habarlaıdy Almaty-akshamy.kz Qazgıdrometke silteme jasap.
Qyzylorda oblysynyń ortalyǵynda, shyǵysynda soltústik-shyǵystan jel soǵady, tańerteń jáne kúndiz kúshi 15-20 m/s deıin jetedi. Oblystyń basym bóliginde tótenshe órt qaýpi saqtalady.
22 tamyzda kúndiz Mańǵystaý oblysynyń batysynda, ońtústiginde shańdy daýyl soǵýy múmkin. Shyǵystan, ońtústik-shyǵystan kútiletin jeldiń ekpini - 15-20 m/s.
Osy kúni Túrkistan oblysynyń soltústiginde, batysynda, taýly jáne taý bókterli aýdandarynda soltústik-shyǵystan jel soǵady, kúshi - 15-20, ekpini - 25 m/s. Oblystyń ońtústiginde, shyǵysynda tótenshe órt qaýipi saqtalady.
Batys Qazaqstan oblysynyń batysynda shyǵystan, soltústik-shyǵystan jel soǵady ekpini - 15-20 m/s.
22 tamyzda Qostanaı oblysynyń soltústik-shyǵysynda naızaǵaı oınaıdy. Túnde jáne tańerteń oblystyń soltústiginde tuman túsedi. Soltústikten, soltústik-shyǵystan jel soǵady, kúshi oblystyń ońtústiginde, shyǵysynda - 15-20 m/s.